သမ္မာကျမ်းစာ
အချို့သောသူများက နှုတ်ကပတ်တော်ကျမ်းစာသည်တစ်ခုတည်းသော သမ္မာတရားအဖြစ် ယုံကြည် ခြင်းမရှိဟုဆိုကြသည်။ ထိုသို့ပြောရခြင်းမှာလည်း အချို့က ထိုသို့သောသွန်သင်ချက်မျိုးကို မူစလင်တို့ ကိုရမ်၊ ဟိန္ဒူတို့၏ ဝေဒကျမ်းများ၌လည်းအလားတူ သွန်သင်ထားသည်ဟူ၍ ဆိုကြပါသည်။ ဆိုလိုရင်းမှာ နှုတ်ကပတ် တော်သမ္မာကျမ်းစာနည်းတူ ကိုရမ်နှင့် ဝေဒကျမ်းတို့သည်လည်းတူညီကြပြီး အချို့သောအပေါ်ယံသဘောသာ မတူညီကြခြင်းဖြစ်သည်ဟူ၍ ထင်ကြေးပေးကြပါသည်။
ဘုရားအဖြစ်တော်နှင့် ဂုဏ်တော်ကိုပဲ ကျွန်ုပ်တို့သုံးသပ်မှုပြုနိုင်ပါသည်။ နှုတ်ကပတ်တော်ကျမ်းစာက ယေရှုသည် သုံးပါးတစ်ဆူအဖြစ်တော်၌ ဒုတိယပုဂ္ဂိုလ်အဖြစ်ရှိကြောင်း အတိအလင်းဆိုထားပါသည် (မာ၊ ၁၂:၂၉၊ ယော၊ ၄:၂၄၊ ၅:၁၈-၁၉)။ ကိုရမ်ကျမ်းစာ၌ မိုဟာမက်သည် ဘုရားသခင်သည် သုံးပါးတစ်ဆူမဟုတ်ဟု သွန်သင်ထားသည်။ ဟိန္ဒူတို့၏ ဝေဒကျမ်း၌ ဘုရားများစွာရှိပါသည်။ အထူးသဖြင့်မြန်မာစကားတွင်ပါရှိသော ဂင်္ဂါဝါဠုသဲစုမကဟူသော စကားအတိုင်းဘုရားပေါင်းမရေမတွက်နိုင်အောင်များလှသည်ကို သူတို့ကျမ်းများ၌ ဖေါ်ပြထားပါသည်။
ထိုသို့ဆိုလျင် မတူကွဲပြားသောအတွင်းသဏ္ဌာန်များကို ကျွန်ုပ်တို့မြင်နိုင်ကြပြီဖြစ်ပါလိမ့်မည်။ မူစလင် နှင့် ဟိန္ဒူတွင် ကယ်တင်ခြင်းဟူသည် မိမိတို့၏ အကျင့်သီလနှင့် ကုသိုလ်ကောင်းမှုကိုအဓိကထားလျက် ဆိုချိန် နှုတ်ကပတ်တော်သမ္မာကျမ်းစာက ကျေးဇူးတော်အားဖြင့် ကယ်တင်ခြင်းသို့ရောက်ရသည် (ဧဖက်၊ ၂:၈-၉) ဟု ဆိုထားပါသည်။ ထိုမျှမက နှုတ်ကပတ်တော်၌ ယေရှုသည် ဘုရားစင်စစ်ဧကန်ဖြစ်သည်ဟူ၍ ဖေါ်ပြ၍ထားရှိ သည်။ မူစလင်တို့သည် ယေရှုအား သာမန်ပရောဖက်တစ်ဦးအဖြစ်သာ သွန်သင်ကြသည်။ အထူးသဖြင့် မိုဟာ မက်ထက်ပင်အနည်းငယ်နိမ့်ပါးသူဟူ၍ ဆိုကြပြန်သည်။ ဟိန္ဒူတို့ယုံကြည်မှုအရကြည့်လျင် ယေရှုသည် လော ကသို့ကြွလာသော ဘုရားသခင်၏ ကိုယ်ပွားတစ်ခုသာဖြစ်သည်။ ထို့ကြောင့် ကျမ်းစာအားလုံးတို့သည် အပေါ် ယံမျှသာခြားနားခြင်းမဟုတ် အတွင်းကျကျလေ့လာလေ ပို၍မတူကွဲပြားမှုကို မြင်တွေ့လေဖြစ်ကြရပါသည်။
ဆင်ခြင်မှု – ယထာဘူတကျကျကြည့်လျင် သမ္မာကျမ်း၊ ဝေဒနှင့် ကိုရမ်တို့မှာ သီးခြားဖြစ်ကြသည်။ ထို့ကြောင့် အစွန်းလွတ်ပြောရပါလျင် သူမှားသည် / ငါမှန်သည်ထက် နှုတ်ကပတ်တော်ကျမ်းစာသည် ဘုရားသခင့်စကား တော်များဖြစ်သည်ဟူ၍ ကျွန်ုပ်တို့ခံယူကြသည့်အတိုင်း ထပ်တူမကျပါဟုဆိုရပါလိမ့်မည်။
နာမတော်မြတ်၌
ဆယ်မြူရယ်စိုးလွင်