မြန်မာကျေးဇူးတော်သာသနာသည် နှစ်ခြင်းတို့၏ခံယူချက်များနှင့်အညီ အသင်းတော်သမိုင်းတွင် ရှေးခေတ်အသင်းတော်၏ ဓမ္မညီလာခံ ကြီးများမှ အသိအမှတ် ပြုထားသော ခရစ်ယာန်ယုံကြည် ချက်များကို (ခရိစ်) ဓမ္မကြောင်းအရ လက်ခံခဲ့ကြပါသည်။
ထိုယုံကြည်ချက် များကို တရားဝင် အသိအမှတ်ပြုပြီး စံတစ်ခုအနေဖြင့် ဝတ်ပြုကိုးကွယ်ရာ၌ ရွတ် ဆိုသော ထုံးတမ်းစဉ်လာ မရှိခဲ့ပါ။
ထို့အတူ မိမိတို့၏ ယုံကြည်ချက် များကို တစ်ညီ တစ်ညွတ်တည်း အသင်းတော် အားလုံး ပါဝင်သော ဓမ္မညီလာခံကြီးတွင် လက်ခံအတည်ပြုပြီး ယုံကြည်ချက် တစ်ခု (ခရိစ်) ကဲ့သို့ ကျင့်သုံးခြင်းမရှိပါ သော်လည်း ယခုခေတ် အခါတွင် နှစ်ခြင်း အသင်းတော်များအနေဖြင့် တူညီသော ယုံကြည်ချက်နှင့် ကျင့်သုံးမှုများကို မြန်မာနိုင်ငံကျေးဇူးတော်သာသနာ၌ လက်ခံအတည်ပြု ထားပါသည်။
နှစ်ခြင်း ခရစ်ယာန်တို့သည် မိမိတို့၏ ယုံကြည်ချက် များကို ကိုယ်တိုင် သိရှိနားလည် ရန်အတွက် သော်လည်းကောင်း၊ အခြားသူများ နားလည်ရန်အတွက် သော်လည်းကောင်း၊ အခါအားလျော်စွာ ကြေညာ လေ့ရှိပါသည်။ ဤကဲ့သို့ကြေညာရာတွင် ယုံကြည်ချက်များသည် ထပ်တူတပ်မျှ မရှိသော်လည်း ယေဘုယျ အားဖြင့် တူညီသည်ကို တွေ့ ရပါသည်။ ကြေညာရာတွင် သမ္မာကျမ်းစာတော်မြတ် ဖွင့်ဟချက် များသာလျှင် အခြေခံ အဓိက ဖြစ်ပြီး ထုံးတမ်းစဉ်လာ များက အဓိက မဟုတ်ကြောင်း တွေ့ ရပါသည်။
နှစ်ခြင်း အသင်းတော် များ၌ အခြေခံ ယုံကြည်ချက် များရှိသည် နည်းတူ ထူးခြားသော ယုံကြည်ချက် များလည်း ရှိပါသည်။ ယင်းထူးခြားချက် များသည် သမ္မာကျမ်းစာကို အခြေခံ၍ ရေးသား လက်ခံခြင်း ဖြစ်ပြီး၊ အခြေခံ ယုံကြည်ချက်များ ကဲ့သို့အခြေခံကျသော ဓမ္မခံယူချက် များကို ဖော်ပြထား ပါသည်။ ထူးခြားချက် သည် အခြေခံ ယူကြည်ချက်ကို ဓမ္မသဘော အရ လေးနက်ခိုင်မာ စေပါသည်။ နှစ်ခြင်းတို့၏ ယုံကြည်ချက် များနှင့် ထူးခြားချက် များသည် နှစ်ခြင်း အသင်းချုပ်သည် လူမျိုးစုနှင့် ဒေသန္တရ အဖွဲ့များကို အခြေခံ၍ဖွဲ့ စည်းထားပြီး နှစ်ခြင်းတို့၏ တစ်လုံးတစ်ဝတည်း ရှိရေးကို ဤဖွဲ့စည်းမှုဖြင့် စုစည်းလျက် ရှိပါသည်။ ဤကဲ့သို့ စုစည်းထားရ ခြင်းသည် နှစ်ခြင်းတို့၏ ယုံကြည်ခံယူချက် များကို အခြေခံ ထားခြင်းကြောင့်သာ ဖြစ်ပါသည်။
ထို့ကြောင့် ယုံကြည်သူ နှစ်ခြင်း တပည့်တော် များနှင့် အသင်းတော် များသည် နှလုံး သွင်းပြီး အသက် တာတွင် လက်တွေ့ အသက်ရှင် ကျင့်သုံးသွားရန် အောက်ပါ အခြေခံ ယုံကြည်ချက်နှင့် ထူးခြားချက် များကို ဖော်ပြအပ် ပါသည်။
၁။ သမ္မာကျမ်းစာ။
ကျေးဇူးတော်သာသနာ အနေဖြင့် သမ္မာကျမ်းစာသည် ထာဝရဘုရား၏ နှုတ်ကပတ်တော်၊ ထာဝရ ဘုရား၏ ဝိညာဉ်တော် မှုတ်သွင်းခြင်း ခံရ၍ ဘုရားရှင် မိန့်တော်မူသည့် အတိုင်း ရှေးသန့်ရှင်းသူများ စီရင်ရေး သား ထားသောစာ ဖြစ်သည်ဟု ယုံကြည် လက်ခံသည်။ ထို့ကြောင့် သမ္မာကျမ်းစာသည် ယုံကြည်သူ တို့၏ ဝိညာဉ်အသက်တာအတွက် အမှန်တရားကို ဖော်ပြသော ထာဝရဘုရား၏ နှုတ်ကပတ်တော် ဖြစ်ကြောင်း လက်ခံ ယုံကြည်သည်။ ဤဓမ္မ ခံယူချက်ကို လုံးဝယုံကြည် လက်ခံ ထားခြင်းကြောင့် သမ္မာ ကျမ်းစာသည် ယုံကြည်မှုနှင့် ကျင့်သုံးမှုအတွက် ပြည့်ဝ စုံလင်သော နှုတ်ကပတ်တော် ဖြစ်ပြီး ဓမ္မဩဇာ အာဏာစက် ရှိသည်ဟု မလွှဲမသွေ ယုံကြည်သည်။ (၂ တိ ၃း၁၆-၁၇၊ ၂ ပေ ၁း၂၀- ၂၁၊ ဟေရှာ ၈း၂၀)
၂။ တစ်ဆူတည်း ဖြစ်တော်မူသော ဘုရား။
ထာဝရ ဘုရားသခင်သည် ကောင်းကင်ဘုံ၌ နေ၍ ခပ်သိမ်းသော အရပ်တို့၌လည်း ရှိတော်မူသည်။ ခပ်သိမ်းသော အရာတို့ကို သိတော်မူ၍ အနန္တတန်ခိုးနှင့် ပြည့်စုံတော်မူသည်။ ကောင်းမြတ် စုံလင်တော်မူ၍ သေခြင်းမာရ်ကို အောင်မြင်တော် မူလျက် အသက်ရှင်တော် မူသော တစ်ဆူတည်းသော ဘုရားဖြစ်တော် မူသည်။
ဘုရားသခင်၏ ဇာတိ အဖြစ်တော်ကို ခမည်းတော်၊ သားတော် သန့်ရှင်းသော ဝိညာဉ်တော် အားဖြင့် ဖော်ပြလျက် ရှိတော်မူ၏။ ဤသုံးပါး တစ်ဆူတည်းသော ဘုရားသခင်အား အမြတ်ဆုံးသော ယုံကြည်ခြင်း၊ ရိုသေခြင်း၊ နားထောင်ခြင်း၊ အားကိုးခြင်းနှင့် ချီးမွမ်းခြင်း တို့ဖြင့် ဆက်ကပ်ပူဇော်သင့်ကြောင်း ယုံကြည်လက် ခံပါသည်။ (ယော ၁း၁၊ ဟေရှာ ၄၅း၂၁၊ ရော ၉း၅၊ ၁ တိ ၃း၁၆၊ ယော ၁၄း၂၆၊ တ ၅း၃-၄၊ တရား ၆း၄-၉)
၃။ ခရစ်တော်သည် ယုံကြည်သူတို့ ၏ အရှင်သခင်ယေရှု။
ခရစ်တော်သည် ယုံကြည်သူ တစ်ဦးစီ၏ အရှင်သခင် ဖြစ်တော်မူသည် ဟူသော အခြေခံ အုတ်မြစ် ပေါ်တွင် နှစ်ခြင်းခရစ်ယာန် တို့၏ ယုံချက်ကို တည်ဆောက်ကြသည်။ ထို့ကြောင့် ခရစ်တော်သည် အသင်း တော်၏ ဦးခေါင်းဖြစ်တော် မူသည်ဟု နှစ်ခြင်းခရစ်ယာန်တို ယုံကြည်ကြသည်။ ထို့ပြင် ခရစ်တော်သည် အသင်းတော်၏ ဦးခေါင်းဖြစ်တော်မူသည့် နည်းတူ ကျေးဇူးတော်အားဖြင့် ရွေးနုတ်ကယ်တင်ခြင်း ခံရသူ အားလုံးတို့၏ အထွဋ်အထိပ် ဖြစ်တော်မူသည်။ ဝမ်းမြောက်သော စိတ်ဖြင့် ခရစ်တော်၏ အလိုတော်ကို ဝန်ခံ လိုက်လျောက် အသက်ရှင်ခြင်းသည် ကျေးဇူးတော်နှစ်ခြင်းခရစ်ယာန် တို့အတွက် အဓိကအချက်ပင် ဖြစ် သည် (ယော ၁း၁-၅၊ ဖိလိပ္ပိ ၂း၁၀-၁၁)
၄။ သန့် ရှင်းသော ဝိညာဉ်တော်
မြန်မာနိုင်ငံ ကျေးဇူးတော်အသင်းတော်အနေဖြင့် သန် ရှင်းသော ဝိညာဉ်တော်ကို သုံးပါးတစ်ဆူ ဘုရားတွင် တစ်ပါး ဖြစ်သည်ဟု ယုံကြည်လက်ခံ ကြပါသည်။ အနှစ်သာရ (Essence) အနေဖြင့် ဖြစ်စေ၊ အဆင့်အတန်း(Status)အနေဖြင့် ဖြစ်စေ၊ ခမည်းတော် သားတော်နှင့် သန့် ရှင်းသော ဝိညာဉ်တော် တို့သည် ထပ်တူထပ်မျှ ဖြစ်ပါသည်။ ပြစ်ရှိ လူသားများနှင့် ဘုရားရှင် တို့၏ ပြန်လည် မိတ်သဟာယ ဖွဲ့ခြင်းတွင် အဓိက လှုပ်ရှားသော ပုဂ္ဂိုလ်သည် သန် ရှင်းသော ဝိညာဉ်တော် ပင်ဖြစ်ပါသည်။
ဓမ္မဟောင်း ကျမ်းတွင် ဘုရားရှင်၏ ဝိညာဉ်တော်သည် ရွေးချယ်ခြင်း ခံသော လူသား တစ်ဦး တစ် ယောက် စီ၏ အပေါ်သို့သက်ရောက်၍ သူတို့အား ထူးခြားသော အရည်အချင်း တစ်ခုစီ ပေးပါသည် (တရား ၄း၆၊ ထွက် ၃၁း၂-၃၊ ၁ ရာ ၁၀း၆-၁၀) ဓမ္မသစ် ကျမ်းတွင်မူ သန့်ရှင်းသော ဝိညာဉ်တော်သည် လူသားများနှင့် အတူ အမြဲတစေ နေဖို့ရန် ပင်တေကုတ္တေပွဲ နေ့တွင် ဆင်းသက် လာပါသည်။ ထိုအချိန်မှ စ၍ အပြစ်ရှိသော ကမ္ဘာသူ ကမ္ဘာသားတိုင်း ခရစ်တော်ကို ယုံကြည်လက်ခံ နိုင်ဖို့ ရန် သွန်သင်ခြင်း (ယော ၁၆း၁၂-၁၅) လူသား များ၏ စိတ်နှလုံး တံခါးကို ခေါက်ခြင်း (ဗျာ ၃း၂၀) ယုံကြည်သူ များ၏ စိတ်နှလုံးထဲတွင် ကိန်းဝပ်ခြင်း၊ (ရော ၈း၁၅-၁ရ) သန့်ရှင်း စင်ကြယ်စေခြင်း (၂ သက် ၂း၁၃) ဝိညာဉ်တော်၏ အသီးများကို သီးစေခြင်း (ဂလာ ၅း၂၂) အမှုများကို ပြုလုပ် ဆောင်ရွက်လျက် ရှိပါသည်။
ဓမ္မဟောင်းကျမ်းမှာကဲ့သို့ပြင်ပ အပေါ်ယံသာ မဟုတ်တော့ဘဲ၊ သန့် ရှင်းသော ဝိညာဉ်တော်သည် လူသားများ၏ အတွင်းစိတ် သဘောကို ပြုပြင်ပြော င်းလဲ စေပြီး၊ အသက်တာ တစ်ခုလုံးကို ပြောင်းလဲစေခဲ့ ပါသည်။ ဓမ္မသစ်ကျမ်းတွင် ထင်ရှားပေါ်လွင် လာသော သန့်ရှင်းသော ဝိညာဉ်တော်၏ လုပ်ဆောင်ချက်မှာ လူသားများအား ဘုရားရှင်၏ ချစ်ခြင်းမေတ္တာနှင့် ရစ်ပတ်ကာ၊ တစ်လုံးတစ်ဝတည်း ဖြစ်ဖို့ရန် ပြုပြင်ခြင်း ဖြစ်သည်ဟု နှစ်ခြင်းအသင်းတော် များမှ ယုံကြည်လက်ခံ ပါသည်။
၅။ လူသည် အပြစ်၌ ကျဆုံးခြင်း
စကြာဝဠာနှင့် ကမ္ဘာမိုးမြေကို ဖန်ဆင်း စိုးစံတော်မူ၍ လူသတ္တဝါ တို့၏ ကာလ အပိုင်းအခြားကို မှတ်သားတော်မူသော အနန္တတန်ခိုးရှင် ဘုရားသခင်သည် ဖန်ဆင်းခြင်း ခံရသော အရာများတွင် လူကို အထွဋ်အထိပ် နေရာတွင် ထား၏။ လူသည် ဖန်ဆင်းခြင်းကို ခံစက သန့်ရှင်း စင်ကြယ်၏။ သို့သော်လည်း ဖန်ဆင်းတော် မူသော အရှင်၏ ပညတ်တော်ကို ဖန်ဆင်းခံ လူသားသည် ဖောက်ဖျက် လွန်ကျူးသောကြောင့် ထိုမြင့်မြတ်သော အခြေမှကျဆုံးသွား၏။ ထိုအခါမှ စ၍ ဇာတိအတိုင်း ကျွန်ုပ်တို့တွင် သန်ရှင်းခြင်း မရှိအပြစ်ကို ပြုချင်သော သဘောရှိ၍ အပြစ်ကိုလည်း ပြုခဲ့ပြီ ဖြစ်သောကြောင့် အမျက်တော်ကို ခံထိုက် သော သူများ ဖြစ်ကြသည်။ ထို့ကြောင့် အိုခြင်း၊ နာခြင်း၊ သေခြင်းတို့ကို ကာယဝိညာဉ် နှစ်ပါးစံလုံး ခံထိုက် ကြောင်း ယုံကြည်ပါ၏။ (ရော ၅း၁၂၊ ၇း၁၄၊ ရော ၃း၂၃)
၆။ ခရစ်တော်၌ ရရှိသော ကယ်တင်ခြင်း
လူသားများသည် မိမိတို့၏ အပြစ် ဒုစရိုက်မှ မိမိတို့ကိုယ် မိမိတို့လုံးဝ မကယ်တင်နိုင် ကြောင်း မြန်မာ ကျေးဇူးတော် နှစ်ခြင်းအသင်းတော်က နက်နက်နဲနဲ ခံယူ ကြပါသည်။ ပြစ်ရှိ လူသားများတို့သည် ကယ်တင် ခြင်းကို ရရှိနိုင် ခြင်း အကြောင်းရင်းမှာ အခြားကြောင့် မဟုတ်၊ ကျေးဇူးတော် သက်သက် ကြောင့်သာလျှင် ဖြစ်ပါသည်။ (ရော ၄း၄-၅၊ ဖက် ၂း၈- ၁၀) ထိုကျေးဇူးတော်ကို သားတော်အားဖြင့် ထင်ရှားရာ၊ သားတော်ကို ယုံကြည် လက်ခံသော သူတိုင်းသည် ကယ်တင်ခြင်း ရရှိမည် ဖြစ်ပါသည်။ (ယော ၃း၁၆) တစ်နည်းအားဖြင့် ဆိုသော် သားတော်အားဖြင့် ထင်ရှားသော ကျေးဇူး ကရုဏာတော်ကို ပြစ်ရှိ လူသားများမှ ယုံကြည်ခြင်းအားဖြင့် လက်ခံကြမည် ဖြစ်ပါသည်။ ဤကဲ့သို့လက်ခံ ယုံကြည်ရာ၌ အောက်ပါ အချက်များ ပါဝင်သည်ဟု နှစ်ခြင်း အသင်းတော်များက ယုံကြည်လက်ခံ ထားပါသည်။
က။ အပြစ် ဒုစရိုက်မှ နောင်တရခြင်းတရား
လူသည် သန့်ရှင်းသော ဝိညာဉ်တော်၏ လှုံ့ဆောင်မှုကြောင့် ခရစ်တော်၏ ချစ်ခြင်းမေတ္တာကို တုံ့ပြန် သောအခါ ပထမဦးစွာ မိမိ၏ အပြစ်ဒုစရိုက် များအတွက် နောင်တရ ရမည် ဖြစ်ပါသည်။ ဘုရားရှင် မပါသော မိမိ ဘဝအတွက် နောင်တရပြီး ခရစ်တော်ကို မိမိ၏ အရှင်သခင်အဖြစ် လက်ခံကာ ခရစ်တော်၏ အလိုတော် အတိုင်း အသက်ရှင်ရန် အသက်တာကို ခရစ်တော်အား ဆက်ကပ်အပ်နှံ ရပါမည်။ သို့ဖြစ်ရာ နောင်တ ရခြင်း တရားတွင် ခရစ်တော်အား သိကျွမ်းခြင်း (Knowledge) မိမိသည် ဘုရားရှင် မပါသော ဘဝ အသက်တာတွင် အသက်ရှင် နေသည်ဟု ခံစားခြင်း (Feeling) နှင့် နောက်ဆုံးတွင် ခရစ်တော် သာလျှင် မိမိ အသက်တာ၏ အရှင် သခင် အဖြစ် လက်ခံရန် ဆုံးဖြတ်ခြင်း (Will) များပါဝင်လျက် ရှိပါသည်။ လူသည် မိမိအပြစ်မှ နောင်တ ရလာသောအခါ၊ မိမိ၏ ရှေ့ရှုရာ အရပ် (Direction) ကို ပြောင်းလဲ၍ အမှန်ဘက်သို့ ပြန်လှည့်ပြီး ဘုရားရှင်ကို ရှေ့ရှုခြင်း ဖြစ်ပါသည်။ သို့ဖြစ်ရာ နောင်တရခြင်း တရားသည် လူသားများ၏ ဇာတိ ပကတိကို စွန့်လွှတ်ကာ ဝိညာဉ် ပကတိသို့ပြောင်လဲခြင်း (Conversion) ပင်ဖြစ်ပါသည်။ ငါ တည်းဟူသော စိတ်မှ ခရစ်တော် တည်း ဟူသော စိတ်သို့ပြောင်းလဲခြင်းလည်း ဖြစ်ပါသည်။ ကယ်တင်ခြင်း ရရှိရန် အတွက် လူသားများ ပြုလုပ်ရမည့် အခန်းကဏ္ဍ ဖြစ်ပါသည်။
ခ။ ဖြောင့်မတ်ခြင်း တရား
အပြစ် ဒုစရိုက်များမှ နောင်တရလျက် ခရစ်တော်သာလျှင် မိမိ၏ အရှင်သခင်အဖြစ် ယုံကြည် လက်ခံသော သူများကို ဘုရားရှင်သည် ဖြောင့်မတ်သောသူကဲ့သို့မှတ်ယူပါသည်။ (ရော ၄း၂-၃) လူသားတို့၏ အကျင့်သီလ အားဖြင့်မဟုတ်ဘဲ ခရစ်တော်၏ အသွေးတော်ကြောင့် သာလျှင်ဖြစ်ပါသည်။ သားတော် သခင်ယေရှု၏ အသွေးတော်ကို မှီခိုကိုးစားခြင်းအားဖြင့် ဘုရားသခင်သည်အပြစ်ရှိသောသူများကို မှီခို ကိုးစားခြင်းအားဖြင့် ဘုရားသခင်သည်အပြစ်ရှိ သောသူများကို ဖြောင့်မတ်သောသူများကဲ့သို့ မှတ်ယူခြင်းသာ ဖြစ်ပါသည်။ သို့ဖြစ်ရာ ဤဖြောင့်မတ်ခြင်းတရားသည် လူသားများကယ်တင်ခြင်းရရှိရန်အတွက် ဘုရားရှင် ပြုတော်မူသော အမှုတော်ဖြစ်ပါသည်။ ဖြောင့်မတ်ခြင်းတရား ကိုသမ္မာကျမ်းစားတွင် ပြန်လည်မိတ်သဟာ ယဖွဲ့ ခြင်း၊ သားအဖြစ်သို့သိမ်းသွင်းခြင်း၊ ရွေးနုတ် ကယ်တင်ခြင်း ဟူ၍ ဖော်ပြထားပါသည်။ မိမိ၏ အပြစ်မှ နောင်တတရား ရရှိ၍ ခရစ်တော်ကို အရှင်သခင်အ ဖြစ် ယုံကြည်လက်ခံပြီး လူတိုင်းကို ဘုရားရှင်သည် ဖြောင့်မတ်သော သူကဲ့သို့ မှတ်ယူခြင်းကို ဖြောင့်မတ်ခြင်းတရား ဟုခေါ်ပါသည်။
မြန်မာကျေးဇူးတော်အသင်းတော်သည် “လွတ်လပ်စွာ” ရပ်တည် အသက်ရှင်သည် သာမက၊ သစ္စာ ပြုကြသည် မှန်သော်လည်း အသင်းတော်များအတွင်း ခရစ်တော်၌ မိတ်သဟာယ ပြုခြင်းကို အလေးပေး ကျင့်သုံးပါသည်။ ဤကဲ့သို့မိတ်သဟာယ ပြုခြင်း၏ အနှစ်သာရမှာ စုပေါင်း သာသနာပြုခြင်း၊ မိမိတို့အတွင်း ဖြစ်ပေါ်သော အသင်းတော် အခက်အခဲ များကို အတူတကွ ဝိုင်းဝန်းဖြေရှင်းခြင်း၊ လူမှုရေး အခက်အခဲများ ပေါ်ပေါက် လာပါကလည်း အပြန်အလှန် အကူအညီပေး ဖြေရှင်းကြခြင်း များကို ပြုလုပ်ကြပါသည်။
၁၁။ နောက်ဆုံးသောကာလ
ဖြောင့်မတ်သော သူနှင့် မဖြောင့်မတ်သော သူနှစ်ဦးသည် သေခြင်းမှ ထမြောက်ကြရလိမ့်မည်။ ခရစ် တော်သည် အသက်ရှင်သော သူတို့နှင့် သေလွန်ခဲ့သော သူတို့ကို စစ်ကြော စီရင်ခြင်းငှာ ကြွလာတော် မူဦး မည်။ ထိုအခါ အပြစ်ပြု၍ နောင်တ မရဘဲ ဘုရားသခင်နှင့် မိတ်သဟာယ မဖွဲ့ဘဲ ဘဝပြောင်း ရကြသော သူတို့သည် ထာဝရ ဒဏ်စီရင်ခြင်းကို မိမိတို အပြစ်အလျောက် ခံကြရလတံ့။ ၎င်းပြင် အမှန်နောင်တ ရသဖြင့် မဖြောင့်မတ်သော သူတို့အတွက် ဖြောင့်မတ်သော သူတို့က ဝင်၍ ခံတော်မူသော ကျေးဇူးတော်ကို အားကိုး လျက် ဘုရာသခင်၏ ဘက်သို့ပြောင်းလဲသော သူတို့သည် အပြစ်တန်ခိုး၏ အုပ်စိုးခြင်းမှ လုံးလုံးလွတ်၍ သန့် ရှင်းသော ကောင်းကင် အိမ်တော်သို့ပြည့်စုံသော ဝမ်းမြောက်ခြင်းဖြင့် သခင်ဘုရား နှင့်အတူ အစဉ်ထာဝရ ခံစားခြင်းငှာ ဝင်စားကြရမည့်အကြောင်း ယုံကြည်ပါ၏။ (မ ၂၅း၄၁၊ ယော ၅း၂၈-၃၀၊ ၂ သက် ၁း၉ ၁၀)အမှု တော်များကို ဆောင်ရွက်ခဲ့ပါသည်။ လူသားများ တို့သည်လည်း
ဘုရားရှင်၏ ပြုပြင်ခြင်းကို တုံ့ ပြန် ရပါမည်။ ဘုရားရှင်သည် အာဏာစက်နှင့် အတင်းအဓမ္မ လူသားများကို ဆက်ဆံသော ဘုရားမဟုတ်ပါ။ ပုံသဏ္ဍာန် တော်နှင့် အညီ ဖန်ဆင်းသော လူသားများကို ဘုရား ရှင်သည် လူသားတို့၏ တုန့်ပြန်မှုကိုလည်း တောင်းဆို ပါသည်။ ခရစ်တော်၌ ရရှိသော ကယ်တင်ခြင်း တရား တွင် ဘုရားရှင် ဆောင်ရွက်သည့် အမှုတော်များ ရှိသည်နည်းတူ လူသားများမှ ပါဝင်တုန် ပြန်ရမည့် အခန်း ကဏ္ဍလည်း ရှိပါသည်။ သို့ဖြစ်ရာ အသစ် ပြုပြင်ခြင်း (Regeneration) နှင့် နေ့စဉ် သန့်ရှင်းစေခြင်း (Sanctification) အမှုတော်ကို ယုံကြည်သူ လူသားများမှလည်း စွဲမြဲ တည်ကြည်ခြင်း(Perseverance) အားဖြင့် တုံ့ ပြန်ရမည် ဖြစ်ပါသည်။
၇။ ယုံကြည် ဝန်ခံသူတို့၏ နှစ်ခြင်းမင်္ဂလာ
သခင်ယေရှု ခရစ်တော်အား မိမိကယ်တင်ရှင်ဟု ဝန်ခံလျက်နှစ်ခြင်းတို့၏ အခြေခံ ယုံကြည် ချက်များကို နားလည်လက်ခံပြီး ရေ၌နှစ်ခြင်းမင်္ဂလာခံယူရမည်။ ရေ၌ နှစ်ခြင်းမင်္ဂလာ ခံယူရာ၌လည်း ခမည်း တော်သားတော်၊ သန်ရှင်းတော်မူသော ဝိညာဉ်တော် တည်းဟူသော သုံးပါးတစ်ဆူတည်း ဖြစ်သော အသက် ရှင်သော ထာဝရဘုရားကို လက်ခံယုံကြည်ခြင်း ဖြစ်၏။ ထို့အတူ သခင်ယေရှုခရစ်အား ကားတိုင်ပေါ်၌ အသေခံတော်မူခြင်း၊ မြှုပ်နှံခြင်းနှင့် ရှင်ပြန် ထမြောက် တော်မူခြင်းကို ယုံကြည်ခြင်းလည်း ဖြစ်သည်။ အထူးသဖြင့် သခင်ယေရှု ခရစ် ရှင်ပြန်ထမြောက် တော်မူကြောင်းကို ယုံကြည်ခြင်းမှာ မိမိသည် ဘဝသစ်ကို ခံယူရရှိ သည်ဟု ယုံကြည်ခြင်း ဖြစ်ပါသည်။ ဤကဲ့သို့ယုံကြည်ပြီး သခင်ယေရှု ခရစ်အား လက်ခံသော သူသည် အသက်အရွယ် အရ စဉ်စားဆုံးဖြတ် နိုင်သူဖြစ်ပြီး နှစ်ခြင်း မင်္ဂလာ ခံသူသည် မိမိမင်္ဂလာခံယူသော အသင်းတော်တွင် အမည်သွင်း ရပါမည်။
၈။ ယုံကြည်သူတိုင်း ယဇ်ပရောဟိတ် ဖြစ်ခြင်း
ဤဓမ္မ ခံယူချက်သည် မြန်မာကျေးဇူးတော် ခရစ်ယာန်များ၏ အခြေခံ ယုံကြည်ချက်ကို အနှစ်သာရ ပေးသော အချက်ပင်ဖြစ်သည်။ ဤယုံကြည်ချက်၏ ဓမ္မ သဘောတရားကို နှစ်ခြင်းခရစ်ယာန် များသည် မှန်ကန်စွာ နားလည်ရန် အရေးကြီးပါသည်။ ယုံကြည်ချက်၏ ဓမ္မ သဘောတရားမှာ-
က။ ယဇ် ပုရောဟိတ်။
ယဇ်ပုရောဟိတ်ဟူသည် ယုံကြည်သူနှင့် ဘုရားရှင်ကို ဆက်သွယ်ပေးရသော တာဝန်ကို ဆောင်ရွက် သူဖြစ်သည်။ ခရစ်တော်သည် ထိုယဇ် ပုရောဟိတ် နေရာကို ယူလိုက်သည် ဖြစ်၍ ယုံကြည်သူသည် ဘုရားရှင်နှင့် တိုက်ရိုက် ဆက်သွယ်မှု ပြုလုပ်နိုင်သည်။
အဓိကဆက်သွယ်မှု နှစ်ရပ်မှာ –
(၁) ကျေးဇူးတော် ချီးမွမ်းလျက် တောင်းလျှောက်လိုသော အရာကို သခင်ယေရှု၏ နာမတော်၌ တောင်းလျှောက် နိုင်သည်။
(၂) ထာဝရဘုရားနှင့် တိုက်ရိုက်ချဉ်းကပ် မိတ်သဟာယ ပြုနိုင်သည်။
ခ။ သခင်ယေရှုသည် ယုံကြည်သူများ၏ ယဇ်ပုရောဟိတ် အကြီးအကဲအပြင် အဖခမည်းတော် ထံသို့ကျွန်ုပ် တို့လိုအပ်မှု အားလုံးကို ဖော်ပြတောင်းခံ နိုင်သည်ကို ကျွန်ုပ်တို ယုံကြည်လက်ခံ ထားပါသည်။ ထို့ကြောင့် ကိုယ်တော်သည် ယုံကြည်သူ ခရစ်ယာန်များ၏ ယဇ်ပုရောဟိတ် အကြီးအမှူး ဖြစ်သည်။ ( ဟေဗြဲ ၄း၁၄-၁၅)
အထက် ဖော်ပြပါ ဓမ္မသဘောတရားကြောင့် နှစ်ခြင်းခရစ်ယာန် တပည့်တော် တစ်ဦးသည် ယဇ်ပုရောဟိတ် ဖြစ်သည်။ ဤကဲ့သို့ခံယူထားသောကြောင့် ကျွန်ုပ်တို့၏ ယဇ်ပုရောဟိတ် အသက်တာသည် ထာဝရဘုရားရှင်အား ဆက်ကပ်ရသော အသက်တာဖြစ်သည်။ ထို့အပြင် မိမိ၏ အသက်တာကို ထာဝရ ဘုရားအတွက် ပေးလှူဆက်ကပ် ထားခြင်းလည်း ဖြစ်သည်။ ( ရော ၁၂း၁-၂) ဤသို့အသက်ရှင်ခြင်း အားဖြင့် ယုံကြည်သူသည် အပြစ်မှ ဖြေလွှတ်ခြင်း ခံရပြီး ခရစ်တော် ထံပါးသို့ တိုးဝင်ချဉ်းကပ်ခြင်း အခွင့်ကို ရသည်။
၉။ အသင်းတော်နှင့် နိုင်ငံရေး
က။ နှစ်ခြင်း ခရစ်ယာန်များက အသင်းတော်နှင့် လောကီ အာဏာစက် အစိုးရသည် ထပ်တူထပ်မျှ မဟုတ်၊ သီးခြားရပ်တည်လျက် ရှိသည်ဟု ယုံကြည် လက်ခံထားသည်။ ထို့ကြောင့် အစိုးရမင်းတို့ ၏ နိုင်ငံရေး ကိစ္စ အဝဝတွင် အသင်းတော်သည် ဝင်ရောက် စွက်ဖက်ခြင်း မပြုရဟု လက်ခံရုံသာမက၊ ထိုသဘောအတိုင်း လက်တွေ့ ကျင့်သုံးကြသည်။ တစ်နည်း အသင်းတော် လုပ်ဆောင်သော ဝိညာဉ်ရေးရာ ကိစ္စရပ်များနှင့် အစိုးရ မင်းဆောင်ရွက်သော နိုင်ငံရေးများသည် တသီးတခြား ဖြစ်ကြောင်း ယုံကြည်ထားသည်။ ဤခံယူချက်ကြောင့် အသင်းတော်သည် နိုင်ငံရေး အဖွဲ့အစည်း တစ်ခုအနေဖြင့် မပါဝင်ကြရန် ခံယူကြ ပါသည်ဟု လက်ခံထား ပါသည်။
(ခ) အသင်းတော်ရေးနှင့် နိုင်ငံရေးသည် သီးခြားရပ်တည်လျက် ရှိသည်ဟု ယုံကြည်သွန်သင် သည့်အတိုင်း တစ်ဦးချင်း လူသားတို့အား အကျိုးသက်ရောက် စေမည့် လူမှုရေးကိစ္စ အဝဝတို့တွင် (ခရစ်ယာန် ဓမ္မ သဘော တရားကို အခြေခံပြီး) ပါဝင်ရောယှက် ဆောင်ရွက် နိုင်သည်ဟု လက်ခံထား ပါသည်။ ထာဝရ ဘုရားရှင်သည် လောကကို ချစ်တော်မူ၍ သားတော်ကို စေလွှတ်တော်မူပြီး အပြစ်တွင် နစ်မွန်းနေသူအား ကယ်တင်ခြင်း ဆုကျေးဇူးကို ပေးခဲ့သည့် နည်းတူ၊ ယုံကြည်သူများ သည်လည်း ကိုယ်တော်နည်းတူ လောကကို ချစ်ရမည် ဖြစ်၍ လောကကို ချစ်သည်ဆိုရာတွင် ဘုရားရှင်၏ ကောင်းမြတ်ခြင်း တည်းဟူသော ကယ်တင်ခြင်း၊ ချစ်ခြင်း၊ ချမ်းသာခြင်း၊ ငြိမ်သက်ခြင်း၊ တရားမျှတခြင်း၊ ကျေးဇူးပြုတတ်ခြင်း အစရှိသော ဘုရားရှင် နိုင်ငံ တော်၏ ကောင်းမြတ်ခြင်းတို့ကို လူသားများ ခံစားနိုင်ရန် ဆောင်ရွက် သွားရမည်ဖြစ်သည်ဟု သဘောပေါက် ယုံကြည်ထား ပါသည်။
၁၀။ ဒေသန္တရ အသင်းတော်လွတ်လပ်ခွင့်။
ဓမ္မသစ်ကျမ်းပါ ကနဦးကာလ၌ ဒေသန္တရ အသင်းတော်များသည် လွတ်လပ်စွာ ရပ်တည်ခဲ့ကြသည်။ လွတ်လပ်စွာ ရပ်တည်ခဲ့ရာတွင် မိမိတို့ ၏ အသင်းတော်နှင့် ဆိုင်သော ဖွဲ့စည်းခြင်းနှင့် အုပ်ချုပ်ခြင်း တို့တွင် ဖြစ်ပါသည်။ ၎င်းတို့အဖို့ဤခံယူချက်သည် အသင်းတော်၏ အသက်တာတွင် အရေးကြီးသောယုံကြည်ချက် တစ်ခုဖြစ်သည်။ ဤအခွင့်အရေးကိုဘုရားရှင်ပေးသောအခွင့်အရေးဖြစ်ကြောင်း ဓမ္မကြောင်းအရ ခံယူထား ကြသည်။ သို့သော် ဤကဲ့သို့လွတ်လပ်စွာဖွဲ့ စည်းလှုပ်ရှားခြင်းသည် သတ်မှတ်ထားသော ဓမ္မတရားဥပဒေ ဘောင်အတွင်းတွင်လည်းကောင်း၊ မိမိတို့အလိုဆန္ဒ ကိုဦးစားပေးပြီး အသင်းတော်တစ်ပါးနှင့်တစ်ပါး သဘောတရားကွဲပြားစေခြင်း၊ မထိမဲ့မြင်ပြုခြင်းကင်းမဲ့သောသဘောနှင့် လည်းကောင်း ဆောင်ရွက်ခြင်းဖြစ် သည်။
တစ်ဦးခြင်း အသင်းတော်တွင် မိမိယုံကြည် ခံယူချက်ကို ဖော်ထုတ်ပြောပြ နိုင်သည်ဟု လက်ခံထား သည်။ ဆောင်ရွက်သည့် အခါတွင် ဝိညာဉ်တော် လမ်းပြသည့်အတိုင်း ပြုလုပ်သွား ကြသည်။ ထို့အတူ မိမိတို့ သည် ခရစ်တော်၏ ကိုယ်ခန္ဓာတော်တွင် အင်္ဂါအချင်းချင်း ဖြစ်ကြသည်ဟု ယုံကြည်လက်ခံပြီး အချင်းချင်း တွက်ထမ်း ဆောင်ရမည့် ဝန်ခြင်းတို့ကို ကြိုးစားဆောင်ရွက် သွားကြသည်။ ဤဓမ္မသဘောအရ ဓမ္မသစ် ကာလ၌ ဒေသန္တရ အသင်းတော်များ မိမိတို့၏ စိတ်ဆန္ဒ အတိုင်း အသင်းတော် ကိစ္စများကို ဆောင်ရွက်သည် ထက် အသင်းတော်၏ ဦးခေါင်းဖြစ်သော ခရစ်တော်စိတ်ကို နှလုံးသွင်းပြီး ဆောင်ရွက်ကြသည်။ တစ်နည်း အသင်းသား တို့သည် ကိုယ်တော်၏ အလိုတော်ကို လိုက်ပြီး အသင်းတော် ရေးရာများကို လုပ်ဆောင် ကြသည်။
မြန်မာကျေးဇူးတော်အသင်းတော်သည် ဓမ္မသစ်ကာလတွင် ရပ်တည် အသက်ရှင်ခဲ့သော အသင်း တော် များ၏ ဓမ္မခံယူချက် ဖြစ်သော လွတ်လပ်စွာ ရပ်တည်ပိုင်ခွင့် ရှိသည်ဟု ဆိုသော အချက်ကို ကျွန်ုပ်တို အမွေအနှစ်ဟုခံယူပြီး လက်တွေ့ ကျင့်လျက် ရှိပါသည်။ နှစ်ခြင်းခရစ်ယာန်များ၏ အခြေခံ ယုံကြည်ချက်တွင် ဤဓမ္မသဘောကို အပြည့်အဝ လက်ခံထားသည်။ ထို့ကြောင့် ဒေသန္တရ အသင်းတော်ကို ဖွဲ့စည်းသည့်အခါ ယုံကြည်သူ တစ်ဦးချင်း၏ ဆန္ဒသဘောတရားကိုရယူပြီးမှ ဖွဲ့စည်းခြင်းကို လက်ခံကျင့်သုံးပါသည်။ ထို့ကြောင့် ဒေသန္တရ အသင်းတော်သည် တစ်ဦးချင်း စုပေါင်းဖွဲ့စည်း ထားသော ခရစ်တော်၏ ကိုယ်ခန္ဓာ ဖြစ်သည်ဟု ယုံကြည်ပါသည်။ ဤအသင်းတော်များက တစ်ဖန် စုပေါင်းပြီးမှ နယ်စည်းဝေးနှင့် ပြည်လုံးကျွတ် အဖွဲ့ အစည်း များကို ဖွဲ့စည်း ကြသည်။ ဤကဲ့သို ဒေသန္တရ အသင်းတော် “လွတ်လပ်မှု” ကို အသိအမှတ် ပြုခြင်း ဖြစ်သည်။
မြန်မာကျေးဇူးတော်အသင်းတော်သည် ဤဒေသန္တရ အသင်းတော်၏ လွတ်လပ်ခွင့်ကို အသိ အမှတ်ပြု လေးစားကြသည့်အတိုင်း ဒေသန္တရ အသင်းတော်များလည်း မိမိပါဝင် ဖွဲ့စည်းထားသော အဖွဲ့ အစည်းများ တို့ကို အသိအမှတ် ပြုပြီး အသင်းတော် လုပ်ငန်းများနှင့် ဧဝံဂေလိ လုပ်ငန်းများ ဆိုင်ရာ အပြန် အလှန် အသိအမှတ် ပြုထားသော ဓမ္မစည်းမျဉ်း ဥပဒေ အတွင်း လက်တွဲလုပ်ဆောင်သည့် လုပ်ငန်းများ ရှိသ လို၊ မိမိအသင်းတော် အနေဖြင့် သီးခြား လုပ်လိုသော လုပ်ငန်းများလည်း ရှိသည်။ တစ်နည်း ဆိုရသော် မည်သူမျှ မိမိတို့အပေါ် အချုပ်အခြာ အာဏာ ရှိသည်ဟု အသိအမှတ် မပြုပါ။ ဒေသန္တရ အသင်းတော်မှသည် အဖွဲ့ချုပ်အထိ အပြန်အလှန် အသိအမှတ် ပြုခြင်းများတို ကို သက်ဆိုင်ရာ မိမိတို့၏ စည်းမျဉ်း ဥပဒေများ အားဖြင့် ထိန်းသိမ်းထားသည့်မူကို လက်ခံကျင့်သုံး ပါသည်။ ဤသို အသိအမှတ် ပြုရာတွင်လည်း သက်ဆိုင် ရာ အသင်းတော်များ၊ နယ်စည်းဝေးများနှင့် သင်းလုံးကျွတ် စည်းဝေးများ၏ လွတ်လပ်မှုကို အသိအမှတ် ပြုကြပါသည်။
မြန်မာကျေးဇူးတော်အသင်းတော်တွင် “လွတ်လပ်စွာ” ရပ်တည် အသက်ရှင်သည် သာမက၊ သစ္စာ ပြုကြသည် မှန်သော်လည်း အသင်းတော်များအတွင်း ခရစ်တော်၌မိတ်သဟာယ ပြုခြင်းကို အလေးပေး ကျင့်သုံးပါသည်။ ဤကဲ့သို့မိတ်သဟာယ ပြုခြင်း၏ အနှစ်သာရမှာ စုပေါင်း သာသနာပြုခြင်း၊ မိမိတို ့ အတွင်း ဖြစ်ပေါ်သော အသင်းတော် အခက်အခဲ များကို အတူတကွ ဝိုင်းဝန်းဖြေရှင်းခြင်း၊ လူမှုရေး အခက် အခဲများ ပေါ်ပေါက် လာပါကလည်း အပြန်အလှန် အကူအညီပေး ဖြေရှင်းကြခြင်း များကို ပြုလုပ်ကြပါသည်။
၁၁။ နောက်ဆုံးသောကာလ။
ဖြောင့်မတ်သော သူနှင့် မဖြောင့်မတ်သော သူ နှစ်ဦးသည် သေခြင်းမှ ထမြောက်ကြရ လိမ့်မည်။ ခရစ် တော်သည် အသက်ရှင်သော သူတို့နှင့် သေလွန်ခဲ့သော သူတို့ကို စစ်ကြော စီရင်ခြင်းငှာ ကြွလာတော် မူဦး မည်။ ထိုအခါ အပြစ်ပြု၍ နောင်တမရဘဲ ဘုရားသခင်နှင့် မိတ်သဟာယမဖွဲ့ဘဲ ဘဝပြောင်း ရကြသော သူတို့ သည် ထာဝရ ဒဏ်စီရင်ခြင်းကို မိမိတို အပြစ်အလျောက် ခံကြရလတံ့။ ၎င်းပြင် အမှန်နောင်တ ရသဖြင့် မဖြောင့်မတ်သော သူတို့အတွက် ဖြောင့်မတ်သော သူတို့က ဝင်၍ ခံတော်မူသော ကျေးဇူးတော်ကို အားကိုး လျက် ဘုရာသခင်၏ ဘက်သို့ ပြောင်းလဲသော သူတို့သည် အပြစ်တန်ခိုး၏ အုပ်စိုးခြင်းမှ လုံးလုံးလွတ်၍ သန့် ရှင်းသော ကောင်းကင် အိမ်တော်သို့ပြည့်စုံသော ဝမ်းမြောက်ခြင်းဖြင့် သခင်ဘုရား နှင့်အတူ အစဉ်ထာဝရ ခံစားခြင်းငှာ ဝင်စား ကြရမည့် အကြောင်း ယုံကြည်ပါ၏။ (မ ၂၅း၄၁၊ ယော ၅း၂၈-၃၀၊ ၂ သက် ၁း၉ ၁၀)။
၁၇-ရာစုမှစ၍ ခရစ်ယာန်ယုံကြည်သူတို့သည် မိမိတို့၏ ယုံကြည်ချက်အပေါ် ရပ်တည်ခဲ့သော အသင်းတော်သည်၊ ဒေသန္တရ အသင်းတော် တစ်ပါးစီ၏ ယုံကြည်ခြင်းနှင့် လွတ်လပ်မှုကို ဓမ္မကြောင်းအရ ရပ်တည်စေရန် ပြုစုခဲ့ပါသည်။
သို့ရာတွင် ထိုလွတ်လပ်မှုသည် ထူးခြားစွာယုံကြည် လက်ခံထားသော နှစ်ခြင်းခရစ်ယာန်အသင်း တော်များ လက်ခံထားသည့်အတိုင်း မြန်မာကျေးဇူးတော်အသင်းတော်အနေဖြင့်လည်း ထိုယုံကြည်ခြင်းနှင့် မှု အပေါ်တွင် အခြေခံ၍ ရပ်တည်ခြင် ဖြစ်ပါသည်။
ကျွန်တော်တို မြန်မာကျေးဇူးတော် အသင်းတော် တစ်ပါးအဖြစ် ပေါ်လာသည့် အချိန်မှ သမ္မာ ကျမ်းစာ တော်မြတ်၏ သွန်သင်မှုကို အခြေခံပြီး ယုံကြည်သူများ လိုက်နာကျင့်သုံးရန် ရေးသားပြုစုခဲ့ပါသည်။ အသင်း တော်များနှင့် ယုံကြည်သူတိုင်းတို့၏ ယုံကြည်ခြင်းကိုတည်ဆောက်ပေးပါလိမ့်မည်။