ငါတို့သည် သခင်ယေရှုခရစ်ကို ယုံကြည်၍ ခမည်းတော်၊ သားတော်၊ သန့်ရှင်းသောဝိညာဉ်တော်၏နာမတော်၌နှစ်ခြင်းမင်္ဂလာကိုခံသောသူဖြစ်၍ အသီးသီး အလွတ်အလပ်မနေ၊ တယောက်တခြားစီ ကိုးကွယ်ခြင်းကိုသာ ပြုမည်မဟုတ်၊ အချင်းချင်းအပေါင်းအသင်းဖွဲ့၍ အသင်းတော်ပြုရသော ဝတ်ကို အမြဲပြုပါမည် ကတိထားကြ၏။

ဘုရားသခင်၏နှုတ်ကပတ်တရားတော်ကို ငါတို့အားဟောပြော၍၊ ငါတို့ ကိုအုပ်သော သူတို့၏စကားနှင့် အသင်းတော်၏စကားကို နားထောင်၍ သခင်ဘုရားကို ခန့်ငြားသောအားဖြင့် အချင်းချင်းတယောက်အောက် တယောက်  ကိုယ်ကိုနှိမ့်ချလျက် နေပါမည်ဟု ကတိထားကြ၏။

ခုနှစ်ရက်တွင် ပထမနေ့ရက်ရောက်သော်၊ အလုပ်လုပ်ခြင်း၊ လောကီ၌ ပျော်မွေ့ခြင်း၊ ရောင်းဝယ်ခြင်း အမှုတို့ကိုရှောင်၍ ကိုးကွယ်ခြင်း အမှုတို့ကို ပြုခြင်းငှာ နှစ်ခါစည်းဝေးပါမည်ဟူ၍လည်းကောင်း၊ အသင်းတော် ချိန်း ချက်သောအချိန်ရောက်သောအခါ မုန့်စပျစ်ရည်သောက်စားခြင်း၊ မင်္ဂလာ ကိုခံခြင်း အစရှိသော အသင်းတော်အမှုတို့ကို .ရွက်ဆောင်ခြင်းငှာ စည်းဝေး ပါ မည်ဟူ၍ လည်းကောင်း ကတိထားကြ၏

သင်းဝင်သူချင်းတယောက်ကိုတယောက် မနာလိုသောစိတ်၊ ငြူစုသော စိတ် မရှိညီအစ်ကိုချင်း ချစ်ခြင်း မေတ္တာ၌ တည်၍ သူ့အကျိုးကို ကိုယ့်အကျိုး ကဲ့သို့ မှတ်လျက် တတ်နိုင်သမျှအတိုင်းကျေးဇူးပြုပါမည်ဟု ကတိထားကြ၏

သင်းဝင်သူတစုံတယောက်သည် ပြစ်မှားလျှင် ငါတို့သည် မဆိုင် သောသူကဲ့သို့ ကြည့်၍မနေ၊ ကြင်နာသော စိတ်နှင့်သတိပေး၍ ပညတ်တော် ရှိသည့်အတိုင်း ဆုံးမပါမည်ဟုကတိထားကြ၏

ပြစ်မှား၍ နောင်တမရ၊ နားမထောင်ဘဲ နေသောသူတို့ကို လက် မခံ၊ အာပတ်ပေးမည် ဟူ၍လည်းကောင်း၊ အထပ်ထပ် နားမထောင်၊ မျှော်လင့်စရာ မရှိသောအခါ သင်းဝင်သူအရာကိုနှုတ်၍ နှင်ထုတ်ပါမည် ဟူ၍ လည်းကောင်း ကတိထားကြ၏။

ဓမ္မဆရာတို့ အသက်မွေးစေခြင်း၊ ဆင်းရဲသော တပည့်တော်တို့ကို မစခြင်း၊ အစရှိသော အသင်းတော်အမှုကို ဆောင်ဖို့ရာ၊ အသီးအသီး ကောင်းစားသည်အတိုင်း စေတနာစိတ်ရှိ၍ အလှူကို လှူပါမည်ဟု ကတိ ထားကြ၏။

 အသင်းတော်သည် တောင်ထိပ်၌ တည်သောမြို့ကဲ့သို့ထင်ရှား၍ ဤလောက၏ အလင်းဖြစ်စေခြင်းငှာ ခန့်ထားတော်မူသည်နှင့်အညီ၊ သူတပါးတို့သည် ငါတို့၏ ကောင်းသော အကျင့်ကိုမြင်၍ ကောင်း ကင် ဘုံ၌ရှိတော်မူသော ငါတို့အဘ၏ ဂုဏ်တော်ကိုချီးမွမ်းစေခြင်းငှာ သူတပါးရှေ့၌  ငါတို့၏အလင်းကို လင်းပါမည်ဟု ကတိထားကြ၏။

ကိုယ့်သားသမီး အဆွေအမျိုး အသိအကျွမ်းရှိသမျှတို့သည် တပည့် တော် အဖြစ်သို့ရောက်ရမည် အကြောင်းနှင့် သခင်ယေရှုခရစ်၏ အမှု တော်ကို ဆောင်၍ နိုင်ငံတော်ကို ကျယ်ဝန်းစေမည်အကြောင်း အစဉ် အမြဲ ကြိုးစားအား ထုတ်ပါမည်ဟုကတိထားကြ၏။

သမ္မာကျမ်းစာ၌ ပါသမျှသော ပညတ်တော်တို့ကို စောင့်ရှောက်၍ ဖြောင့်မတ်သောအကျင့်၊ လျှောက် ပတ်သောအကျင့်၊ စင်ကြယ်သော အကျင့်၊ သူတပါးနှစ်သက်ဖွယ်သောအကျင့်၊ ချီးမွမ်းဖွယ်သောအကျင့် ရှိသမျှတို့ကိုလည်းကောင်း၊ ပါရမီတပါးပါး ကောင်းသော သတင်း တပါး ပါးနှင့် ဆိုင်သောအကျင့်ကိုလည်းကောင်း၊ နှလုံးသွင်း၍ ကျင့်ခြင်းငှာ အစဉ်အမြဲ ကြိုးစားအားထုတ်ပါမည်ဟု ကတိထားကြ ၏။